गणेश बहादुर मौनी
माघ १५ डोटी
नेपाल स्वयम सेवी रक्तदाता समाज नेपाल डोटी शाखाले १९ औ वार्षिक उत्सवको अवसरमा जिल्ला अस्पताल डोटीमा रहेका बिरामीहरूलाई मङ्गलवार फलफूल वितरण गरेर मनाएको छ ।
सामाजिक सेवा गर्ने उद्देश्यले स्थापित संस्थाले आम नागरिकका साझा सवालमा एकजुट भएर अगाडी बढ्नु पर्छ भन्ने सन्देश प्रवाह होस भन्ने हेतुले विभिन्न कार्यक्रम गर्नुका साथै बिरामीहरूलाई फलफूल वितरण गरी दिवस मनाइएको नेपाल स्वयम सेवी रक्तदाता समाज नेपाल डोटी शाखाका उपाध्यक्ष खेमराज गुरुङले बताए । उनले भने हाम्रो मुख्य उद्देश्य भनेको डोटीमा आम नागरिकले आवश्यक परेको समयमा निःशुल्क तथा सहज रूपमा रगत पाउन भन्ने हो सोही अनुरूप पहल भइरहेको समेत बताए ।
जिल्ला अस्पतालमा भर्ना भएका सबै बिरामीहरूलाई फलफूल वितरण गरी संस्थाको कार्यको बारेमा जानकारी गराउँदा एक खालको सन्देश प्रवाह भएको जिल्ला अस्पताल डोटीमा मे. सु. सुजित मण्डलले बताए ।
फलफूल वितरण कार्यक्रममा नेपाल स्वयम सेवी रक्तदाता समाज नेपाल डोटी शाखाका पदाधिकारीहरू, स्थानीय, स्वास्थ्यकर्मी, पत्रकार लगाएको सहभागिता रहेको थियो शाखाका कोषाध्यक्ष उत्तम खड्काले बताएका थिए ।