सरिता कठायत
मंसिर, ७ डोटी
डोटी — सुदूरपश्चिम प्रदेशका स्वास्थ्य कार्यालयहरूले सञ्चालन गरेका स्वास्थ्य कार्यक्रमका सुचकहरूको मुल्यांकनमा स्वास्थ्य कार्यालयहरू मध्य डडेल्धुरा पहिलो र डोटी  दोस्रो भएको छ ।  सेवा प्रवाह, कार्यक्रम कार्यान्वयन र स्वास्थ्य सूचक सुधारका आधारमा गरिएको वार्षिक मूल्यांकनमा  स्वास्थ्य कार्यालय डोटी सुदूरपश्चिम प्रदेशभरि दोस्रो उत्कृष्ट कार्यालयका रूपमा चयन गरिएको छ। स्वास्थ्य कार्यालय डडेल्धुराले  ८५.२० अंकले  पहिलो  भएको  छ भने डोटी  ८२.५० अंकले  दोस्रो  भएको छ  ।  कैलाली स्वास्थ्य कार्यालय ८१.७५ अंकले तृतीय  भएको छ ।

स्वास्थ्य कार्यक्रमहरूको  प्रदेश स्तरीय एकीकृत वार्षिक स्वास्थ्य समीक्षा गोष्ठी कार्यक्रम शुक्रबारदेखि सञ्चालन भई  आइतबार समापन भएको छ ।  स्वास्थ्य निर्देशनालयले सार्वजनिक गरेको प्रतिवेदनअनुसार डोटीले यस वर्ष अधिकांश प्रमुख सूचकहरूमा उल्लेखनीय प्रगति देखाएको हो।
<span;>निर्देशनालयका अनुसार मातृ–शिशु स्वास्थ्य सेवा, खोप अभियानको सफल कार्यान्वयन, पोषण सुधार कार्यक्रम, रोग पहिचान तथा नियन्त्रण, स्वास्थ्य शिक्षा, र डिजिटल डाटा व्यवस्थापनमा डोटीले अन्य जिल्लाहरूलाई पछि पारेर दोस्रो भएको हो  । “स्वास्थ्य सेवा एकदिनमा सुधारिँदैन, निरन्तर मेहनत र समुदायको साथले मात्र यस्तो उपलब्धि सम्भव हुन्छ जिल्ला स्वास्थ्य कार्यालय डोटीका प्रमुख डिल्लीरमण जोशी । यो सफलताले हामीलाई अझ प्रभावकारी सेवा दिन प्रेरित गरेको  जोशी भन्छन् ।”
<span;>प्रदेश स्वास्थ्य निर्देशनालयले डोटीले जोखिममा रहेका समूह लक्षित कार्यक्रम, विद्यालय स्वास्थ्य सेवा, गर्भवती मैत्री सेवा, र स्वास्थ्य प्रवर्द्धनका गतिविधि प्रभावकारी ढंगले सञ्चालन गर्दै आएको उल्लेख गरेको छ। जिल्लामा स्वास्थ्य सेवाको गुणस्तर निरन्तर उकासिरहेकाे संकेतका रूपमा यो उपलब्धिले देखाउँछ ।