डोटी, १७ कात्तिक
डोटी- जिल्लाको पुर्वीचौकी गाउँपालिका वडा नं १ तल्लो फुलौटकी २७ वर्षीय जानकी खड्काको आत्महत्या दुरुत्साहन प्रकरणमा दोषीमाथि कडा कानूनी कारबाही र निष्पक्ष छानबिनको माग गर्दै महिला अधिकारकर्मीहरूले सोमबार जिल्ला प्रशासन कार्यालय डोटीमा ज्ञापनपत्र बुझाएका छन् ।कार्तिक १०  गते खड्का घरनजिकैको रूखमा झुन्डिएको अवस्थामा मृत फेला परेकी  थिन । उनले आफूलाई  मृत्यु रोज्न बाध्य गराउने शिखर नगरपालिका ११ मल्लिसातका गणेश रावल रहेको सोसाइट नोटमा लेखेको भेटिएको थियोे । रावल जिल्ला शिक्षा समन्वय एकाई डोटीका शिक्षा अधिकृत तथा विद्यालय निरीक्षक समेत हुन् ।रावलले आफूसँग विवाह नगरे मार्ने धम्की दिदै आएको र त्यो यातना सहन नसकेर आफूले मृत्यु रोजेको पत्रमा लेखिएको छ । रावललाई अहिले जिल्ला प्रहरी कार्यालय डोटीमा थुनुवा राखिएको छ । प्रहरीका अनुसार अनुसन्धान भैरहेको जानकारी दिएको छ ।   डोटी जिल्लामा महिलाका क्षेत्रमा काम गर्ने  महिला अधिकारकर्मीहरूको संयुक्त पहलमा बुझाइएको उक्त ज्ञापनपत्रमा  निष्पक्ष छानबिनका लागि उच्चस्तरीय छानबिन समिति गठन,दोषीलाई कानुनी कार्वाही,पिडीत परिवारलाई मानसिक सहयोग,राजनीतिक दबाब र आर्थिक लेनदेनको प्रवाह नगरी न्यायको प्रत्याभूति गर्नुपर्ने माग राख्दै ज्ञापनपत्र बुझाएको थियोे । महिला अधिकारकर्मी लता जोशीले भनिन्, “जानकी मृत्यु केवल एउटा महिलाको कथा होइन, समाजमा मौन पीडाको प्रतीक हो  । जबसम्म खड्कालाई न्याय हुदैनन्  हाम्रो संघर्ष जारी रहनेछ।”  फेडो संस्थाका अध्यक्ष सरिता दियालले भनिन्  मृतक खड्कालाई आत्महत्या गर्न  बाध्य गराएको उनको सोसाइट नोटले प्रष्ट पारेको छ यसलाई तोडमोड गरे हामी न्यालाय प्रति कहिल्यै विस्वास गर्दैनौं  हाम्रो छोरीचेलीहरूले त्यसपछि न्यायको अपेक्षा मार्नेछन्  । त्यसैले भोलि हाम्रो समाजलाई एक त्रासपुर्ण वातावरण सिर्जना हुनेछ आत्महत्या दुरूत्सान  मुद्दामा दोषीलाई निष्पक्ष छानबिन गरि कानुनले तोके बमोजिम  कार्वाही हुनुपर्छ । जिल्ला प्रशासन र सम्बन्धित निकायहरू दबाब वा प्रभावमा पर्ने छैनन् जिल्ला प्रशासन कार्यालय  डोटीका निम्ति प्रमुख जिल्ला अधिकारी भोज बहादुर ऐडीले ज्ञापनपत्र ग्रहण सँगै प्रतिबद्धता गरेका छन् । ऐडीले दोषीलाई छानबिन गरि आवश्यक समन्वय र कानुनी प्रक्रिया अघि बढाइने र मृतक खड्कालाई न्याय दिलाउन पछि नपर्ने समेत जानकारी दिएका थिय । ज्ञापनपत्र कार्यक्रममा महिला अधिकारकर्मीहरू र  पत्रकारहरूको  उपस्थिति थियो।