सरिता कठायत
कार्तिक १४ डोटी
डोटी – महिला हरूको आर्थिक सामाजिक सशक्तीकरणका लागि तालिम सञ्चालन भएको छ । महिलाहरूको आर्थिक सामाजिक रूपमा सशक्तीकरण गर्नका लागि १२ दिने तालिम सञ्चालन गरिएको हो  ।युरोपियन युनियन र नेपाल सरकारको आर्थिक सहयोगमा युएन आमेन र आसमान नेपालको प्राविधिक सहयोगमा संचालित सशक्त महिला समृद्ध नेपाल कार्यक्रम अन्तर्गत महिलाहरूको आर्थिक सँगै सामाजिक रूपमा सशक्तीकरण गर्ने उदेश्यले समुदायमा १८ वर्ष माथि र ५० वर्ष मुनिका हिंसा प्रभावित महिला,गरिब,एकल,अपांग, अल्पसंख्यक महिलाहरूका लागि तरकारी खेती तालिम दिपायल सिलगढी नगरपालिका ७ उडितोलाको भगवती महिला कृषक समुह र ९ नम्बर वडाको कालिका महिला कृषक समूहमा सो तालिम सञ्चालन भएको आसमान नेपालका सुदूरपश्चिम प्रदेशका संयोजक सुर्जन नेपालीले जानकारी गराए । उनका अनुसार भगवती महिला कृषकसमुहमा २५ जना र कालिका महिला कृषक समुहमा तरकारी खेती को तालिम सञ्चालन गरिएको बताएका छन् । सशक्त महिला समृद्ध नेपाल कार्यक्रमले दिपायल सिलगढी नगरपालिका भित्रका  महिलाहरूलाई हरेक क्षेत्रमा परिवर्तन गर्नका लागि कार्यक्रम लागु भएको र यसमा सबैले सकृय सहभागिता भएर अगाडि बढ्नुपर्ने दिपायल सिलगढी नगरपालिकाका नगर प्रमुख बाजि सिंह खड्काले बताएका थिए । आसमान नेपालले महिलाहरूको आर्थिक र सामाजिक सशक्तीकरण गर्नका लागि गरिएको तालिम प्रभावकारी रहेको साथै सहभागीहरूले तालिमबाट सिकेका कुरालाई व्यवहारमा परिणत गर्न समेत नगर प्रमुखले आग्रह गरे । तरकारी खेती गर्नलाई  तालिममा  आधुनिक तरिकाले सिकाइन्छ सो सिपहरू सिकेर लागु गर्नुपर्ने अरूणोदय आधारभूत विद्यालय उडितोलाका प्रधानाध्यापक दिपेन्द्र खड्काले बताएका छन् । कार्यक्रममा नगर प्रमुख,संस्थाकाप्रतिनिधि,आसमान संस्थाका प्रमुख,प्रतिनिधि विद्यालय प्रतिनिधि,पत्रकार,समुदायका अगुवा ब्याक्तीहरू, महिलाहरूको उपस्थिति रहेको थियोे ।