जेठ  ८ डोटी
सरिता कठायत
डोटी: वृद्वावस्था तथा लैंगिक  हिंसा व्यवस्थापन सम्बन्धि अन्तरक्रिया कार्यक्रम भएको छ ।  बिहीबार दिपायल सिलगढी नगरपालिका स्वास्थ्य शाखाको आयोजनामा वृद्वावस्था तथा लैंगिक हिंसा व्यवस्थापनका लागि १ दिने कार्यक्रम गरेको हो । समुदायमा  रहेका वृद्वावस्था तथा लैंगिक हिंसामा रहेका मानिसहरूलाई स्वास्थ्यकर्मी,तथा महिला स्वास्थ्य स्वयंसेवीका र  संस्थाहरूको साथ रहेको दिपायल सिलगढी नगरपालिकाका स्वास्थ्य शाखा प्रमुख तेज बहादुर खड्काले बताएका छन् । लैंगिक हिंसा भनेको समाजमा जरा गाडेर बसेको छ यसलाई जरैदेखि हटाउन सबैले लाग्नुपर्ने दिपायल सिलगढी नगरपालिकाका नगर उप प्रमुख कलावति महर साउदले बताएकी छन् । पछिल्लो समयमा हाम्रो पालिकामा पनि लैंगिक हिंसामा परेका महिलाहरू खुलेर आउन थालेका साउदले भनिन् । नगरपालिका र सरोकारवाला सैबैले हातेमालो गरेर अगाडि जान जरुरी रहेको उप प्रमुखले भनेकी छन् ।  एकद्वार संकट व्यवस्थापन समिति (OCMC)  भनेको के हो र सो ठाउँबाट  दिने सेवा सम्बन्धिका बारेमा जिल्ला  अस्पताल डोटीका मेडिकल अधिकृत तथा OCMC संयोजक डा.अमित नेपालिले  सहभागीहरूलाई जानकारी गराएका छन् । हिंसामा रहेका मानिसहरू स्वास्थ्यमा अन्तिम चरणमा आउने गर्छन् तर त्यो भन्दा अगाडि नै समुदायमै पहिचान गरेर हिंसालाई  जटिल परिस्थितिमा हुन बाट सबैले लाग्नुपर्ने नेपालिले बताए ।  एकद्वार संकट व्यवस्थापन समितिले नि: शुल्क स्वास्थ्य उपचार,मनोसामाजिक परामर्श, सुरक्षा, कानुनी उपचार, सुरक्षित आवास गृह ,पुनः स्थापना सहयोग यादि एकैठाउँबाट उपलब्ध हुने कुराहरू सहभागीहरूलाई Ocmc मा  कार्यरत मामिला व्यवस्थापन जानकी चन्दले जानकारी गराइन् । कार्यक्रममा नगर उप प्रमुख, प्रमुख प्रशासकीय अधिकृत, नगर स्वास्थ्य प्रमुख,जिल्ला अस्पताल मेडिकल अधिकृत,स्वास्थ्यकर्मी, सिएमसि.ocmc, महिला स्वास्थ्य स्वयंसेविका, पत्रकार लगायतको सहभागी रहेको छ ।