जेठ ५ डोटी

सरिता कठायत

डोटी : डोटीको पुर्वीचौकी गाउँपालिका  वडा नम्बर ४ सानागाउँमा रूख ढलेर बिक घाइते भएकी छन् । आज वर्षा सँगै आएको हावाहुरीका कारण रूख ढल्दा शंकर बिकको श्रीमती वर्ष ३२ कि तुलसी देवी बिक घाइते भएकी जिल्ला प्रहरी कार्यालय डोटीले जानकारी गराएको छ । बिक खेतबाट घर फर्किने क्रममा खिराको रूख ढलेर उनको पिठ्युँ,ढाड र छातीमा चोट लागेको छ । उनलाई उपचारका लागि जिल्ला अस्पताल डोटीमा ल्याएको र उपचार भइरहेको समेत जि.प्र. का डोटीले बताएको छ ।