बैशाख १७ डोटी
सरिता कठायत

डोटी: डोटी जिल्लाको बोगटान फुड्सिल गाउँपालिकाका ६ जनाले घरमै अपांगता  परिचयपत्र पाएका छन् । बुधबार गाउँपालिकाका उपाध्यक्ष बिष्ना देउवा बमको नेतृत्वमा गएको टोलिले अपांग भएर क र ख वर्गमा पर्ने ६ जनालाई घरमै गएर अपांगता परिचयपत्र वितरण गरेको हो । अपाङ्ग अशक्त असहाय तथा सेवाबाट वञ्चित भएका व्यक्तिहरूले पाउनुपर्ने हक अधिकार सुनिश्चित गर्नु जनप्रतिनिधिको दायित्व भित्र पर्छ बमले बताएकी छन् । उनका अनुसार भौगोलिक दुरिले गर्दा अपांग भएका व्यक्तिहरू वडा,पालिका सम्म पुग्न असहज हुनेगर्छ त्यसैले घरमै गएर परिचयपत्र वितरण गरेको जानकारी गराएकी हुन । आफूहरूले पाउनुपर्ने सेवा सुविधाहरू जान नसकेर लामो समयसम्म नपाएका थियौ स्थानीय सरकार घरमै आएर सेवा दिँदा खुसी भएको अपाङ्ग परिचयपत्र पाएकाहरूले बताएका छन् । अपाङ्ग परिचयपत्र उक्त वडा नम्बर ४ का ५ जना र वडा नम्बर ५ का १ जना गरि ६ जनाले पाएका छन् । परिचयपत्र वितरण कार्यक्रममा पालिकाका उपाध्यक्ष, वडा अध्यक्षहरू,शिक्षा शाखा प्रमुख, कम्प्युटर अपरेटर,स्वास्थ्यकर्मी, प्रहरी लगायतको उपस्थिति रहेको थियोे ।