बैशाख १६ डोटी
सरिता कठायत
डोटी: डोटी जिल्लाको शिखर नगरपालिका वडा नम्बर ८ मा नि : शुल्क स्वास्थ्य चेकजाँच बाट १४० जनाले सेवा लिएका छन् । मंगलबार सामाजिक सुरक्षा भत्ता लिन आउने बृद्धबृद्वाहरूलाई  नि: शुल्क स्वास्थ्य चेकजाँच गरिएको हो । सोही वडामा रहेको एभरेस्ट बैंकमा भत्ता बुझ्न आउने बृद्वबृद्वाहरूको नि : शुल्क रूपमा स्वास्थ्य चेकजाँच गरेको शिखर नगरपालिका १० शहरी स्वास्थ्य केन्द्र बन्लेखका प्रमुख तथा बलायर क्लिनिकका सञ्चालक दिपक बलायरले बताए । उनले पछिल्लो समयमा मानिसहरू आफूहरूलाई के रोग लागेको छ भनेर समेत थाहा नपाई मृत्युको मुखमा पुग्ने गरेको पाइन्छ त्यसैले आफूले समाजमा रहेका बृद्वबृद्वाहरूको नि : शुल्क रूपमा रक्तचाप ,मधुमेह / सुगर र स्वास्थ्य परामर्श गरिएको बलायरले भने । उनका अनुसार  शिखर नगरपालिका वडा नम्बर ८ का  वडा अध्यक्ष लाल बहादुर महराले नि: शुल्क स्वास्थ्य चेकजाँच कार्यक्रमलाई उद्घाटन गरेकोे  बताएका । उद्घाटनमा  बोल्दै बलायरले गरेको नि : शुल्क स्वास्थ्य शिवर बृद्वबृद्वाहरूका लागि प्रभावकारी कार्यक्रम रहेको महराले बताएका हुन । ११ वटा वडाकै सामाजिक सुरक्षा भत्ता बुझ्ने सेवाग्राहीहरूले सेवा पाएका थिए ।