सरिता कठायत
चैत्र १० डोटी
डोटी: डोटीमा प्रमुख जिल्ला अधिकारी मोहन राज जोशीले शारीरिक ,मानसिक रूपमा अशक्तहरूलाई घरमै गएर नागरिकता प्रदान गराएका छन्  । जिल्लाको सायल गाउँपालिका वडा नम्बर १ कौराडी का वर्ष २१ का प्रेम बहादुर देउवा त्यसैगरी  छपालिका वर्ष  ६८ का जय बहादुर रोकाया र वर्ष ६३ का पदम बहादुर रोकाया गरि ३ जना शारीरिक र मानसिक रूपमा अशक्त भएकाहरूलाई  प्रजिअ जोशीले आफै घरमा पुगेर नागरिकता उपलब्ध गराएका हुन । राज्यबाट पाउने सम्पुर्ण सुविधा बाट वञ्चित भएका कुराहरू र उहाँहरू शारीरिक र मानसिक रूपमा अशक्त भएको जानकारी पाएपछि सम्पुर्ण कागजात मिलाएर घरमै नागरिकता प्रदान गरेको प्रजिअ जोशीले बताए । उनले भने घरपरिवारको अवस्था र नागरिकता नपाएकाहरूले  सदरमुकाम पुगेर नागरिकता लिन सक्ने अवस्था नभएका कारण घरमै पुगेर नागरिकता उपलब्ध गराएका हौ । नागरिकता पाएपछि राज्यबाट पाउने सेवा सुविधाबाट बञ्चित हुने छैनन् प्रजिअ जोशीले बताए । नागरिकता नपाएका अशक्तहरूलाई घरदैलोमै पुगेर सेवा दिनुभएकोमा प्रजिअ जोशी लगायतको टिमलाई धन्यवाद सहित आगामी दिनमा पनि कुनाकन्दरामा रहेका नागरिकता पाउनबाट बञ्चितहरूलाई सेवा दिनुहुनेछ भन्ने आशा छ सायल गाउँपालिकाका उपाध्यक्ष निर्मला ओलिले बताइन् । वडाबाट आवस्यक कागजात जिल्लामा पठाए पछि  शारीरिक र मानसिक रूपमा अशक्त साथै भेगिए हिसाबमा पनि टाढा रहेको वडमा पुगेर नागरिकता प्रदान गर्न सहयोग गर्ने प्रजिअ जोशी लगायतको टिमलाई सायल गाउँपालिका वडा नम्बर १ का वडा अध्यक्ष लाल बहादुर रोकायाले धन्यवाद दिएका छन् । उनले  वडा बाट जिल्लामा लैजान कठिन थियो सोही कुरालाई सहजै स्विकारेर घरमै पुगेर नागरिकता उपलब्ध गराउँदा धेरै खुसी रहेको रोकायाले भने । जिल्लामा लैजान सक्थेन छोराले नागरिकता पाउँदैन होला सोच्थे तर आज घरमै नागरिकता पाउँदा खुसी भएको प्रेम देउवाको आमा सरू देउवाले भनिन् । शारीरिक र मानसिक अवस्थामा अशक्त भएका ३ जनाको नागरिकता सँगै जिल्ला सम्म जान नसक्नेहरूको पनि सोही वडाबाट राष्ट्रिय परिचयपत्र बनाउने कार्य समेत गरिएको छ ।