गणेश बहादुर मौनी
फागुन २९ डोटी
जिल्ला प्रशासन कार्यालय डोटीले नेपालीहरूको महान पर्व होली हर्ष उल्लास एवं मर्यादित ढङ्गबाट बनाउन जिल्लावासीमा आग्रह गरेको छ ।
कार्यालयले एक प्रेस विज्ञप्ति सार्वजनिक गर्दै पर्वको अवसरमा कसैको इच्छा विपरीत जबरजस्ती, अमर्यादित, गैर कानुनी र उच्छृङ्खल किसिमका व्यवहार गर्ने गराउने मादक पदार्थ तथा नशालु पदार्थ खान खुवाउने मादक पदार्थ सेवन गरी सवारी साधन चलाउने सार्वजनिक ठाउँमा हो हल्ला गर्ने, जथाभाबी रङ्ग दल्ने, लोला हान्ने जस्ता गतिविधि नगर्न अनुरोध गरिएको छ ।
प्रमुख जिल्ला अधिकारी मोहनराज जोशी द्वारा जारी विज्ञप्तिमा कसैले कानुन विपरीतका काम र कसैको इच्छा विपरीतका कामहरू गरेको पाइएमा त्यस्ता अराजक गतिविधि गरेमा कानुन बमोजिम कारबाही हुने उल्लेख गरिएको छ । सुदूरपश्चिम प्रदेशका पहाडी जिल्लामा सरकारले बिहीबार होलीको सार्वजनिक बिदा दिएको छ ।