सरिता कठायत
माघ १५ डोटी
डोटी महिला सशक्तीकरण सम्बन्धित एक दिने क्षमता विकास तालिम गरिएको छ । मंगलबार जिल्ला समन्वयको सभाहलमा  महिला अधिकारका लागि सशक्तीकरण मञ्च डोटीको आयोजना तथा  दिपायल सिलगढी नगरपालिकाको आर्थिक सहयोगमा महिला सशक्तीकरण सम्बन्धि एक दिने क्षमता विकास कार्यक्रम गरिएको थियोे  । महिला हरूको क्षमता विकासका लागि नगरपालिकाले गर्नुपर्ने कार्यका लागि सधैं अगाडि रहने दिपायल सिलगढी नगरपालिकाका नगर प्रमुख बाजि सिं खड्काले बताउनुभयो । उहाँले महिलाहरूले आफ्ना हक अधिकारका लागि अगाडि बढ्नुपर्ने र नेतृत्व गर्न स्वयंले लाग्नुपर्ने बताउनुभएको थियोे । महिला सशक्तीकरण सम्बन्धि एक दिने क्षमता विकास कार्यक्रममा सहजीकरण गैरसरकारी संस्था डोटीका कोषाध्यक्ष लक्ष्मी देउवा बमले गर्नुभएको थियो । बमले सहभागीहरूलाई लैंगिकहिंसा,महिला हिंसाको बारेमा छलफल गर्नुभयो । महिला हरूले सधैं चुलोचौकोमा मात्रै सिमित नभएर आफ्नो क्षमता अभिवृद्धि गर्नुपर्ने हुन्छ महिला संघ डोटीका अध्यक्ष माया कुवरले जानकारी गराउनुभयो । कार्यक्रम समापनमा बोल्दै आफूलाई अब्बल बनाउन महिलाहरूले आफैं अगाडि बढ्नुपर्ने महिला अधिकार लागि सशक्तीकरण मञ्चका अध्यक्ष दुर्गा शर्माले बताउनुभएको थियोे । कार्यक्रममा दिपायल सिलगढी नगरपालिकाका १ देखि ९ नम्बर वडाका महिलाहरूको सहभागी रहेको थियोे ।