डोटीमा  एक युवकले  धारिलो हतियार (खुँडा) प्रयोग गरी आत्महत्या गरेको प्रहरीले जनाएको छ ।
सायल गाउँपालिका वडा नं. ५ दैना बस्ने वर्ष ४० को बहादुर खड्काले मादक पदार्थ सेवन गरी  आज आइतबार बिहानै २ बजेतिर धारिलो हतियार (खुँडा) आफ्नै घाटीमा प्रयोग गरी मानिसको मृत्यु भएको प्रहरीले जनाएको छ ।
माघ १२ गते शनिवार मात्रै छोरीको उपचार गर्न भनी घरबाट आएका खड्का जिल्ला अस्पताल डोटीमा उपचार पश्चात् आफन्त नाता पर्ने जिल्ला समन्वय समिति डोटीमा चालक छत्र खड्का बस्ने क्वाटरमा राति बास बसेको जिल्ला प्रहरी कार्यालय डोटीले जनाएको छ ।मादक पदार्थ सेवन गरी धारिलो हतियार (खुँडा) घाँटीमा प्रहार गरी आत्महत्या गरेको चालक छत्र खड्कालाई उद्धृत गर्दै प्रहरीले जनाएको छ । घटनाको बारेमा थप अनुसन्धान भइरहेको  डोटीका प्रहरी प्रमुख प्रहरी उपरीक्षक विनोद शर्माकोले बताए । मृतकका घर परिवारका मानिस आई सकेपछि लासलाई पोस्टमार्टम का लागि उठाइने समेत प्रहरीले जनाइएको छ ।