पुस १३,

डोटी

सरिता कठायत,

डोटीको जोरायल गाउँपालिका–३ ठाटिगडामा शनिबार दिउँसो परेको चट्याङमा परी एक युवक घाइते भएका छ्न ।
घाइते हुनेमा जोरायल गाउँपालीका ३ का २३ वर्षीय धिरजबाबु रोकाया रहेका छन। कृषि गणना कार्यका लागि भूपाल खत्रीको घरमा पुगेका रोकायामाथि चट्याङ पर्दा उनको आँखा र टाउकोमा समस्या भएको  खेम गौतम खत्रीले जानकारी गराएका छन ।
घटनापछि रोकायालाई सरस्वतीनगर प्राथमिक स्वास्थ्य केन्द्रमा लगेर उपचार गरिदै छ। स्वास्थ्यकर्मीका अनुसार उनको अवस्था खतरामुक्त रहेको भए पनि थप उपचारका लागि निगरानी आवश्यक रहेको छ।